Mövlanə İsmayıl Siracəddin Şirvani

Həyatı, Fəaliyyəti və Ardıcılları

Azərbaycan tarixşünaslığında XIX əsrin tarix və mədəniyyətinin öyrənilməsi gündəmdə olan problemlərdən biridir. Nəzərə alsaq ki, öyrənilən dövrün mədəniyyət daşıyıcıları həmin mədəniyyəti yaratmış şəxsiyyətlər olmuşlar, müstəmləkə şəraitində fəaliyyət göstərmişlər, eləcə də vaxt keçdikcə onların fəaliyyətini təsdiqləyən maddi və mənəvi materiallar itib-bata bilər, bu halda belə şəxsiyyətlərin üzə çıxarılmasının, tutarlı qiymətlərinin verilməsinin nə dərəcədə aktual və faydalı bir iş olduğu aydınlaşar.

Təsəvvüf tarixi tədqiqatçısı Məhəmməd Məhəmmədcəlil və Azərbaycan Tarixi Muzeyinin  elmi işçisi Fariz Xəlillinin bu yöndəki fəaliyyəti təqdirəlayiqdir.

Müəlliflər geniş araşdırmalar apararaq, Azərbaycanın sufi alimlərindən biri olan Mövlanə İsmayıl Şirvani Kürdəmirinin həyat və fəaliyyətini tədqiq etməklə kifayətlənməmiş, eyni zamanda şeyxin çar Rusiyasının qaba, sərt təzyiqi altında fəaliyyət göstərmiş ardıcılları və tələbələrinin də tapılıb üzə çıxarılması kimi çox zəhmət tələb edən işin öhdəsindən bacarıqla gəlmişlər. Onlar türk, rus və Azərbaycan dillərində olan çoxsaylı ədəbiyyatı araşdırmaqla yanaşı, Mövlanə  İsmayılın Azərbaycanda yaşadığı yerləri demək olar ki, qarış-qarış gəzmiş, eləcə də, şeyxin nəslinə mənsub adamları taparaq onların alim haqqında xatirələrini toplamış, onun Türkiyənin Amasiya şəhərində yerləşən türbəsindəki materiallardan bəhrələnmişlər.

Kitabda XIX əsrin tanınmış alimlərindən olan, Azərbaycanın, Türkiyənin və bütün Qafqazın ictimai həyatında mühüm xidmətlər göstərən Mövlanə İsmayıl Siracəddin Şirvaninin həyat və, fəaliyyətindən, ardıcıllarından bəhs edilir. İlk mənbələr əsasında yazılan kitab, tarix, mədəniyyət və ədəbiyyat ilə maraqlanan geniş oxucu kütləsi üçün dəyərli mənbədir.

Kitabı əldə etmək üçün elektron poçt ünvanımıza yaza bilərsiniz:

info@ismailshirvani.com